रामेछाप । नेपालमा सुनको भाउ एकैदिन तोलाको ३ हजार रुपैयाँले बढेर नयाँ रेकर्ड कायम गरेको छ । आज सुन तोलाको एक लाख ५६ हजार ३ सय रुपैयाँले कारोवार भइरहेको नेपाल सुनचाँदी व्यवसायी महासघंले जनाएको छ ।
विहिवार सुनको मुल्य तोलाको एक लाख ५३ हजार ३ सय रुपैयाँमा कारोवार भएको थियो । अस्ति वुधवार भने सुनको प्रति तोला एक लाख ५३ हजार ४ सय रुपैयाँ पुगेर रेकर्ड बनाएता पनि उक्त रेकर्डलाई तोड्दै आज सुनको मूल्यमा थप रेकर्ड कायम गरेको हो ।
सुनको मूल्य बृद्धि भएसँगै आज चाँदीको भाउ पनि बढेको छ । आज चाँदी तोलाको ६५ रुपैयाँले बढेर १ हजार ८ सय ६० रुपैयाँ मूल्य कायम भएको छ । हिजो चाँदीको मूल्य प्रति तोला १ हजार ७ सय ९५ रुपैयाँमा कारोवार भएको थियो ।
