रामेछाप । सुनको मूल्य अहिलेसम्मकै उच्च बिन्दुमा पुगेको छ । सुन आज प्रति तोला एक लाख ५८ हजार ८ सय रुपैयाँ पुगेको हो ।

हिजोको तुलनामा सुनको मूल्य आज एकै दिन एक हजार ७ सय रुपैयाँले बृद्धि भएर अहिलेसम्मकै उच्च बिन्दुमा पुुगेको नेपाल सुनचाँदी व्यवसायी महासंघले जनाएको छ ।

सुनसँगै चाँदीको मूल्यमा पनि ५ रुपैयाँले मूल्य बढेको छ । आज चाँदीको मूल्य प्रति तोला एक हजार ९ सय २० रुपैयाँमा कारोवार भइरहेको छ ।