रामेछाप । मन्थली नगरपालिका–१ आकाशेपुल र वडा नं २ कठजोर खोलामा रहेको मोटरेवल पुलमा सजावटको लागि राखिएको डिजिटल लिड लाइट चोरी गर्ने एक बृद्ध वुधबार पक्राउ परेका छन् ।
पक्राउ पर्नेमा मन्थली नगरपालिका–१ कटहरबोट बस्ने वर्ष ६८ का जयबहादुर योञ्जन रहेका छन् । उनलाई प्रहरीले उनकै घरवाट चोरी गरेको सामान सहिते नियन्त्रणमा लिएको जिल्ला प्रहरी कार्यालय रामेछापले जनाएको छ ।
संविधान दिवस मुल समारोह समितिले संविधान दिवस २०८१ को अवसरमा सजावटको लागि सदरमुकाम मन्थली नजिकैका कोशी तथा खोलामा रहेका मोटरेवल पुलमा डिजिटल लिड लाइट राखेका थिए ।
संविधान दिवस सकिए पनि मुल समारोह समितिले स्थानियहरुले दशैं नजिक आइसकेकाले उक्त लाइट दशैं पछि मात्र निकाल्न अनुरोध गरेका थिए । स्थानियको अनुरोधका कारण ती लाइटहरु त्यही छाडिएकोमा उक्त लाइट चोरी भएको थियो ।
