‘सुन्दरादेवी सन्देश म्युजिक अवार्ड’ साउन २७ मा, दुई सञ्चारकर्मी पनि सम्मानित हुँदै

Posted on: July 24, 2017 | views: 263

काठमाडौं, ९ साउन २०७४– तेस्रो सुन्दरादेवी सन्देश म्युजिक अवार्ड २०७४ बाट सञ्चारकर्मीद्वय चन्द्रमणि गौतम र कुवेर गिरीलाई सम्मान गरिने भएको छ । सम्मानित हुन लागेका गौतम लोकसञ्चारकर्मी र गिरी रङ्ग पत्रकार हुन् । प्रत्येक वर्ष अवार्डमा दुई जना सञ्चारकर्मीहरुलाई सम्मान गर्दै आइएको सो अवार्डबाट यो वर्ष गौतम र गिरी सम्मानित हुन लागेका हुन् । 

राजधानीको रातोपुलस्थित रकहाउस क्याफेमा आइतबार एक कार्यक्रमको आयोजना गरी उत्कृष्ट पाँचलाई मनोनयपत्र वितरण गर्ने कार्यक्रममा उक्त घोषणा गरिएको हो । यहि साउन २७ गते धादिङको ओम शान्ति चलचित्र मन्दिरमा उत्कृष्टबाट सर्वोत्कृष्ट छानिने आयोजक समितिका अध्यक्ष किरण अधिकारीले जानकारी गराए । ‘नुवाकोटबाट प्रकाशित हुँदै आएको सुन्दरादेवी सन्देश प्रत्रिका प्रकाशन गर्दै आएका छौ । मोफसलबाट शुरु गरेको यो प्रतियोगिता अहिले राष्ट्रिय स्तरको गर्न सफल भएका छौ,’ किरणले भने ।

उत्कृष्ट पाँचलाई निर्णायक, अतिथिहरु आरसी कोइराला, दुर्गा रायमाझीलगायतले प्रमाणपत्र वितरण गरेका थिए । आधुनिक र लोकदोहोरी विधामा हुने उक्त अवार्डमा २१ विधामा अवार्ड प्रदान गरिने आयोजक समितिका सदस्य सचिव मनोज थापाले बताए । 

अवार्डको निर्णायकमा संयोजक वरिष्ठ रङ्गपत्रकार तथा गीतकार शान्तिप्रिय, सङ्गीतकार सन्तोष श्रेष्ठ र राष्ट्रिय लोकदोहोरी गीत प्रतिष्ठानका पूर्व अध्यक्ष तथा सर्जक चन्द्र शर्मा रहेका छन् ।

Share your thoughts!


Janavani Publication Pvt.Ltd. (Reg. 128336/071/072)
Dillibazar (Pipalbot), Kathmandu
01–4423794, Mob. No. 9841701030, 9841583487
palpalkokhabar@gmail.com