काठमाण्डौं । गायक प्रदीप कार्कीको स्वर रहेको ‘तै मायाको’ बोलको गीतको भिडियो सार्वजनिक गरिएको छ ।
दोलखामा जन्मेर कर्मभूमी बेलायतमा बनाएका गायक कार्की र संगीतकार दीपक शर्माको सहकार्यमा तयार सार्वजनिक गीतमा दीपकको शब्द तथा संगीत रहेको छ । जसमा रिकेश गुरुङको एरेन्ज रहेको छ भने किशोर थापाको मक्सङ तथा मास्टरिङ रहेको छ । सो गीतको मोडल सुनील क्षेत्रीको बेजोड अभिनय रहेको भिडियोको निर्देशन पनि क्षेत्रीले नै गरेका छन् । अभिनयमा सुनीललाई मोडल एलिशा शर्माले सघाएकी छिन् ।
दुर्गा पौडेलको छायांकन रहेको भिडियोको सम्पादन विकाश ज्ञवालीले गरेका हुन् । गायक कार्कीले यसअघि सुनै सुनको तिलहरी, यो जिन्दगी, मेरा लागि तिमीभन्दा, बीचै बाटो लगायतका दर्जनभन्दा बढी गीत निकाली सकेका छन् ।
