रामेछाप । हृदयघात हुँदा नेपाल सुनचाँदी कला व्यवसायी सङ्घ जिल्ला समिति रामेछापका अध्यक्ष एवं नेपाल सुनचाँदी कला व्यवसायी सङ्घको केन्द्रीय सदस्य कृष्ण गहतराजको बिहिवार बिहान निधन भएको हो ।
पुख्र्यौली घर भक्तपुर भएता पनि बिगत लामो समयदेखी रामेछापको सदरमुकाम मन्थलीमा रहेर सुन व्यवसाय संञ्चालन गर्दै आएका ४८ वर्षीय अध्यक्ष गहतराजको हृदयघातका कारण मृत्यु भएको हो । बिहान व्याडमेन्टन खेल खेलेर घर पुगेका गहतराजलाई एक्कासि छाती दुखेको थियो । उनले आफुलाई सहनै नसक्ने गरी छाती दुख्यो भनेपछि छिमेकीहरुले मोटरसाइकलमा राखेर उपचारको अस्पताल लैजान खोज्दा उनी वेहोस भएर घरको मुल ढोका अगाडी ढलेका थिए ।
उनलाई छिमेकीले तत्काल उठाएर एटोमा राखेर उपचारका लागि तामाकोसी अस्पताल लगेका थिए । अस्पताल पु¥याउन साथ चिकित्सकले गहतराजलाई मृत घोषणा गरेका थिए । उनको हृदय घातकै कारणले निधन भएको उपचारमा संलग्न चिकित्सकले बताएका छन् ।
उनका परिवार काठमाण्डौंमा नै भएकाले दाहसस्कारको लागि आफन्तहरुले गहतराजको शब काठमाण्डौं लगेका छन् । केहीदिन अघि आफ्नो व्यवहारीक कारणले राजधानी काठमाण्डौं पुगेका गहतराज वुधवार मात्रै मन्थली आएका थिए । मृतक गहतराजको एक श्रीमती, दुई छोरी र एक छोरा रहेका छन् ।
