रामेछाप । जिल्लाको उत्तरी क्षेत्रमा पर्ने उमाकुण्ड गाउँपालिका–२ बाम्तीमा भालुले आक्रमण गर्दा बर्ष ४७ का पासाङ शेर्पा घाइते भएका छन् ।
बाम्ती स्थित चित्रे पोखरी उर्गेन सामुदायिक वनमा शनिवार बिहान चौंरी चराउन निस्किएका शेर्पालाई अकस्मात भालुले आक्रमण गरेको थियो । भालुको आक्रमणमा परेका शेर्पाको दुवै गालामा गहिरो चोट लागेको छ । भालुको आक्रमण परेका शेर्पाले जंगलवाट चिच्चाहट गरेपछि स्थानियहरु उनी भएको स्थानमा पुगेका थिए ।
स्थानियहरुले घटनास्थलवाट उद्धार गरी शेर्पालाई उपचारको लागि बाम्ती स्वास्थ्य चौकीमा भर्ना गरेका थिए । उनको स्वास्थ्य चौकीमा सामान्य उपचार पछि थप उपचारको लागि काठमाण्ठौं पठाइएको प्रहरी चौकी बाम्तीले जनाएको छ ।
