रामेछाप । जिल्लामा उत्कृष्ट शैक्षिक गुणस्तर कायम गर्दै शिक्षा क्षेत्रको विकासमा उल्लेखनिय योगदान पुर्याएको भन्दै कर्कलादेवी इङलिस बोडिङ स्कूललाई इनोभेटीव अवार्ड प्रदान गरिएको छ ।

सिङ्गापुर र मलेसियामा सम्पन्न एक औपचारिक कार्यक्रमका बिच मुख्य अवार्ड समारोह मलेसियाको स्विस गार्डेन इन्समा भएको कार्यक्रममा कर्कलादेवी स्कूललाई उक्त अवार्ड प्रदान गरिएको हो । एक्सटो एजुकेसन इन्टरनेसनल अष्ट्रेलियाको आयोजनामा भएको एक्सो ईन्टरनेसनल एक्स्लेन्स अवार्ड सिङ्गापुर २०२३ अन्तर्गत केब्स स्कुल मन्थली उक्त अवार्ड हात पार्न सफल भएको हो ।

उक्त अवार्ड विद्यालयको तर्फबाट प्रिन्सिपल केशव तिमल्सीनाले बुझेका हुन् । उनले यति ठूलो अन्तर्राष्ट्रिय अवार्डका लागि विद्यालयलाई योग्य बनाउन योगदान, सहकार्य र सहयोग गर्नुहुने सम्पूर्ण पूर्व स्कुल सञ्चालकहरू, व्यवस्थापन समिति, शिक्षक अभिभावक सङ्घ, शिक्षक÷कर्मचारीहरू, विद्यार्थीहरू, अभिभावकहरू, मन्थली नगरपालिका परिवार, विभिन्न शैक्षिक संस्थाहरू, प्याब्सन, पत्रकारहरु तथा सम्पूर्ण शुभचिन्तकहरू समेतलाई धन्यवाद दिएका छन् ।