रामेछाप । घरवाट बाख्रा चराउन जंगल गएका रामेछाप नगरपालिका–६ ओख्रेनी होदिलका ६१ बर्षिय श्याम कुमार खड्काको भिरवाट लडेर ज्यान गएको छ ।
उनी शनिवार बाख्रा चराउन जंगल लिएर जान्छु भनेर हिडेका थिए । राती अवेरसम्म खड्का घर नफर्किएपछि उनको खोजीका लागि उनका घर परिवारका सदस्यहरु सहित छिमेकीहरु जंगलतर्फ गएका थिए । हराएका खड्को खोजी गर्ने क्रममा सोही स्थानको भिरखर्क सामुदायिक वनको भिरमा मृत अवस्थामा आइतवार विहान शव फेला परेको थियो ।
मृतक खड्काको शव घटनास्थलवाट पोष्र्टमार्टमको लागि जिल्ला अस्पताल ल्याएर पोष्र्टमार्टम पछि दाहसंस्कारको लागि आफन्तको जिम्मा लगाइएको प्रहरी चौकी रामेछापले जानकारी दिएको छ । मृतक खड्का जनसक्रिय आधारभूत आ.वि.होदिलका पूर्व प्रधानाध्यापक समेत रहेका थिए ।
