रामेछाप । कुखुराको खोरमा स्याल आएर कुखुरा खान खोज्ने स्याललाई लखेट्ने क्रममा लड्दा रामेछापको गोकुलगंगा गाउँपालिका–२ ठोसे टगमकी एक महिला गम्भिर घाइते भएकी छिन् ।
घाइते हुनेमा गोकुलगंगा गाउँपालिका–२ ठोसेकी ३६ बर्षिय सुनिता कार्की रहेकी छिन् । गएराती आफ्नै घरमा पाल्दै आएको कुखुराको खोरमा स्याल आएर कुखुरालाई लखेट्न थालेपछि कार्की घरको एकतला माथिवाट चिच्चाउँदै तल झर्ने क्रममा लड्दा उनको टाउँकोमा गम्भिर चोट लागेको छ ।
घाइते कार्कीका परिवारले उनको घटनास्थलवाट उद्धार गरी शनिवार विहान दोलखाको जिरी अस्पतालमा उपचारको लागि भर्ना गरिएकोमा त्यहाँ उनको उपचार सम्भव नभएपछि थप उपचारको लागि काठमाण्डौं पठाइएको जिल्ला प्रहरी कार्यालय रामेछापले जनाएको छ ।
