रामेछाप । जंगलमा लागेको आगो वस्तीमा पस्दा रामेछाप नगरपालिका–९ ल्याङ्गल्याङ्ग स्थित गोल्माटारमा एक घर सहित सात वटा गोठ जलेर पूर्णरुपमा नष्ट भएको छ ।
बुधबार दिउँसो भएको आगलागीबाट मकर भुजेलको दुई तले भुकम्प प्रतिरोधी घर पूर्णरुपमा जलेको हो । आगलागीबाट सोही वडाको भिरपानी र गोल्माटारमा ७ वटा गोठ पनि जलेर नष्ट भएको रामेछाप नगरपालिका–९ का वडा अध्यक्ष चन्द्रवहादुर श्रेष्ठले जानकारी दिए ।
जंलगमा लागेको आगो गाउँमा पसेपछि उक्त आगो निभाउन स्थानिय प्रहरी र डिभिजन वन कार्यालय रामेछापवाट खटिएका अग्नि नियन्त्रक टिम लागि परेका छन् । अझै आगो नियन्त्रणमा आउन नसकेको र हालसम्म क्षतीको विवरण समेत संकलन गर्न नसकिएको अध्यक्ष श्रेष्ठले बताए । पछिल्लो केही दिन यता रामेछापमा दैनिक रुपमा आगलागीका घटनाहरु भइरहेका छन् ।
