रामेछाप । मन्थली नगरपालिका–५ सुनारपानीको टारबारीमा मृत अवस्थामा एक युवकको शव फेला परेको छ ।
मृत्यु हुनेमा सोही स्थानका ३८ बर्षिय निरवहादुर रोका रहेको प्रहरीले जनाएको छ । रोकालाई मृत अवस्थामा शनिवार राति ९ बजे स्थानियले देखेका थिए । उनी शनिवार विहान घरवाट कामको लागि नजिकैको गाउँमा गएका थिए । काम सकेर घर फर्कदै गर्दा बाटोमा नै रोकाको मृत्यु भएको थियो । बाटोमा मृत अवस्थामा रोकालाई देखेपछि स्थानिय गाउँलेहरुले प्रहरीमा खबर गरेका थिए ।
स्थानियले दिएको सूचनाको अनुसार घटनास्थल पुगेको प्रहरीको टोली घटनास्थलको मुचुल्का तयार गरी शव पोष्र्टमार्टमको लागि मन्थली अस्पताल पठाएको छ । घटनाको बिषयमा थप अनुसन्धान कार्य भइरहेको जिल्ला प्रहरी कार्यालय रामेछापले जनाएको छ ।
