रामेछाप । उमाकुण्ड गाउँपालिका–६ गुप्तेश्वरमा शनिबार बिहान यात्रुबाहक बस दुर्घटना हुदा बसमा सवार दुईजना यात्री घाइते भएका छन् ।
गुप्तेश्वरमा पार्किङ्ग गरिराखेको बा ५ ख २८६ नम्वरको पूर्व अरनिको यातायात सेवा समितिको गाडी आज विहान यात्रु लिएर काठमाण्डौंतर्फ जाने क्रममा स्टार्ट गर्दा अकस्मात ब्रेक फेल भई ब्याक भई करिव २ सय मिटर तल भिरमा खस्दा उक्त बसमा रहेका दुइजना यात्री घाइते भएको पूर्व अरनिको यातायात सेवा समिति रामेछापका काउन्टर प्रमुख शुबाष फूयालले जानकारी दिए ।
दुर्घटनामा परी बसका सहचालक रामेछापको लिखु तामाकोसी गाउँपालिका–१ केवल सुनुवार र बसमा रहेकी यात्रु उमाकुण्ड गाउँपालिका– गुप्तेश्वरकी फूलकुमारी सुनुवार घाइते भएको र उनीहरुको घटनास्थलवाट उद्धार गरी स्थानिय स्वास्थ्य संस्थामा प्राथमिक उपचारपछि थप उपचारको लागि हेलिकोप्टर मार्फत काठमाण्डौं पठाउने तयारी भइरहेको इलाका प्रहरी कार्यालय प्रितीले जनाएको छ ।
