रामेछाप । जिल्लाको दोरम्बा शैलुङ गाउँपालिका–२ दोरम्वाको बोदलमा सोमबार दिउँसो बा ५ ख ४०३८ नम्बरको ट्रक दुर्घटना हुँदा ५ जना घाइते भएका छन् ।
घाइते मध्ये ट्रक चालक दोरम्वाका ३२ बर्षिय युनिक पाठक र यात्रु सोही गाउँका ध्रुव पाठक गम्भिर घाइते भएका छन् । उक्त गाडीमा सबार कुमार बसेल, कुमार योञ्जन र रामशरण तामाङ समेत घाइते भएका छन् । घाइतेहरु सबैको दुर्घटनास्थलवाट उद्धार गरी सवै विरामीलाई उपचारको लागि काठमाण्डौं पठाइएको जिल्ला प्रहरी कार्यालय रामेछापले जानकारी दिएको छ । घाइते मध्ये दुईजनाको अवस्था गम्भिर रहेको र अन्यको सामान्य रहेको छ ।
उक्त ट्रक दोरम्बा २ को घट्टेखोलामा निर्माणाधीन पुलको सामाग्री लिएर जाँदै गरेको ट्रक दोरम्वाको बोदलमा अनियन्त्रित भई सडकबाट करिब २ सय मिटर तल भिरमा खसेको थियो ।
