रामेछाप । मामा घर गएर आफ्नो घर तर्फ फर्किँदै गरेका एक युवकको भिरवाट लडेर ज्यान गएको छ ।
ज्यान गुमाउनेमा दोरम्बा शैलुङ गाउँपालिका–७ लखनपुरका २२ वर्षिय विशाल घतानी रहेका छन् । उनी सोही पालिकाको वडा नं ४ जर्गा स्थित मामाघर गएर फर्किने क्रममा छिरिङ भीरबाट लडेर अन्दाजी एकसय मिटर तल चौरी खोलामा खसेर मृत अवस्थामा भेटिएको जिल्ला प्रहरी कार्यालय रामेछापका प्रवक्ता एवं प्रहरी निरीक्षक रञ्जन गिरीले जानकारी दिए ।
मामाघर गएका घतानी घर नफर्किएपछि उनका परिवारका सदस्यहरुले खोजी कार्य गरेका थिए । उनको खोजी गर्ने क्रममा चौरी खोलामा मृत अवस्थामा शव फेला परेपछि प्रहरीलाई खबर गरेका थिए । घटनाको जानकारी पछि प्रहरी टोली घटनास्थलमा पुुगेर थप अनुसन्धान प्रक्रिया अघि वढाएको पनि प्रहरीले जनाएको छ ।
