रामेछाप । मन्थली नगरपालिका–११ गेलुको पन्थली नजिकै तामाकोशी नदी किनारमा मंगलवार दिउँसो एक महिलाको शव फेला परेको छ ।
केही स्थानिहरु माछा मार्न तामाकोशी नदीमा जादा नदी किनारमा एक महिलाको शव घोप्टो अवस्थामा देखेपछि उनीहरुले जिल्ला प्रहरी कार्यालय रामेछापमा खबर गरेका थिए । स्थानियले दिएको जानकारी अनुसार जिल्ला प्रहरी कार्यालय रामेछापका प्रहरी नायव उपरीक्षक होमवहादुर पराजुलीको कमाण्डमा घटनास्थल पुगेको प्रहरी टोलीेले उक्त शवको मुचुल्का उठाई पोष्र्टमार्टमको लागि मन्थली अस्पतालमा राखिएको छ ।
नामथर,वतन नखुलेको अन्दाजी ६० वर्ष उमेर समुहको जस्तै देखिने ती महिलाको शव हाल पोष्र्टमार्टमको लागि मन्थली अस्पतालमा राखिएकाले आफन्तहरुको खोजी कार्य भइरहेको प्रहरी नायव उपरीक्षक होमवहादुर पराजुलीले जानकारी दिए ।
