रामेछाप । मन्थली सहिद स्मृति बहुमुखी क्याम्पसको नयाँ नेतृत्व चयन गर्न आज मतदान हुने भएको छ ।
शनिवार क्याम्पस सभाको साधारणसभा सम्पन्न भएको छ । उक्त साधारणसभाको उद्घाटन पछि भएको बन्द सत्रले सहमती जुटाउने प्रयास गरेपनि सहमती जुट्न नसकेपछि आज मतदान पक्रियावाट नयाँ नेतृत्व चयन गर्ने जनाइएको छ । अध्यक्ष पदका लागि गठवन्धनको तर्फवाट नवराज घिमिरे र नेकपा एमालेको तर्फवाट उज्वल सुबेदी प्रतिपस्र्धामा उत्रिएका छन् ।
मतदान प्रक्रियामा १ सय २२ जना क्याम्पस सभा सदस्यले मतदान गर्ने छन् । क्याम्पस व्यवस्थापन समितिको एक अध्यक्ष र एक महिला सदस्य सहित ६ जना निर्वाचित हुने छन् । त्यस्तै समितिले एक महिला सहित चार जनालाई मनोनीत गर्ने व्यवस्था छ । त्यसैगरी वडा अध्यक्ष, क्याम्पस (स्ववियु) सभापति, मन्थली माविका प्रमुख, नगर शिक्षा अधिकारी सहित अन्य ९ जना पदेन सदस्य रहने प्रावधान छ ।
