रामेछाप । भाेलीदेखी शुरु हुने माध्यमिक शिक्षा परीक्षा (एसइई) मा रामेछापका ९६ वटा माध्यमिक विद्यालयका २७ सय ९४ जना विद्यार्थी सहभागी हुने भएका छन् ।
जिल्लाका २ नगरपालिका र ६ वटा गाउँपालिकाका गरी ९६ वटा माध्यमिक विद्यालयवाट २७ सय ९४ जना वालवालिकाहरु यस वर्षको एसईई परीक्षामा सहभागी हुन लागेको शिक्षा विकास तथा समन्वय इकाई रामेछापका प्रमुख नेत्रप्रसाद गजुरेलले जानकारी दिए ।
उनका अनुसार नियमित साधारण तर्फका २६ सय ५९ जना, प्राविधिक तर्फका १ सय १० जना र ग्रेड बृद्धि तर्फका २५ जना परिक्षार्थी परिक्षामा सामेल हुने छन् । यसका लागि २२ वटा परीक्षा केन्द्र निर्धारण गरीएको र आवश्यता अनुसार परीक्षा नियन्त्रक र शिक्षकहरुको व्यवस्थापन पुरा गरिसकिएको पनि इकाई प्रमुख गजुरेलले बताए ।
