रामेछाप । मन्थली नगरपालिका–७ भटौली स्थित ढिकुरी मन्दिर छेउमा तामाकोसी नदि किनारमा एक पुरुषको शव फेला परेको छ ।
नदी किनारमा शव तैरिरहेको अवस्थामा बिहिवार विहान फेला परेको जिल्ला प्रहरी कार्यालय रामेछापका प्रहरी नायव उपरीक्षक होमवहादुर पराजुलीले जानकारी दिए । उनका अनुसार उक्त शव दोलखा जिल्ला मेलुङ गाउपालिका–७ जोगी गाँउका अन्दाजी ५६ वर्षका जयबहादुर जोगी रहेको उनका छोरा ललित बहादुर जोगीले आफ्नो पिताको शव हो भने पछि उनका परिवारलाई जिम्मा लगाइएको छ ।
मृतक जोगी असार ३२ गते विहानवाट घरवाट हिडेका र हालसम्म पनि उनी घर नर्फिएपछि उनका परिवारका सदस्यहरुले उनको खोजीकार्य गरिरहेका थिए । परिवारका सदस्यहरुले नदी किनारमा खोजतलास गर्ने क्रममा जोगीको शव तामाकोशी नदी किनारमा फेला परेको हो ।
